ध्यास कविता संकलन

🌷  ध्यास  🌷
तु बुद्धि दे, तू तेज दे,
नवचेतना विश्वास दे...
जे सत्य सुंदर सर्वथा,
आजन्म त्याचा ध्यास दे…

हरवले आभाळ ज्यांचे,
हो तयांचा सोबती...
सापडेना वाट ज्यांना,
हो तयांचा सारथी...
साधना करिती तुझी जे,
नित्य तव सहवास दे…

जाणवाया दुर्बलांचे,
दुःख आणि वेदना...
तेवत्या राहो सदा,
रंध्रातुनी संवेदना...
धमन्यातल्या रुधिरास या,
खल भेदण्याची आस दे...
सामर्थ्य या शब्दांस,
आणि अर्थ या जगण्यास दे…

सन्मार्ग आणि सन्मती,
लाभो सदा सत्संगती...
नीती नाही भ्रष्ट हो,
जरी संकटे आली किती...
पंखास या बळ दे नवे,
झेपावण्या आकाश दे.
    🌺 संकलन🌺