कोजागिरी दिन काव्य

*दिन कोजागरीचा*!
संपताच    वर्षाऋतू
होई  निरभ्र आकाश
सण कोजागरी येता
पडे  चंद्राचा  प्रकाश !

अशा चंद्र प्रकाशात
टाका दुधात साखर
दूध  आटीव  करता
पिस्ता बदाम केशर!

दुध  आटाया लागले
चंद्र   पाहे    नभातूनं
आला धरेच्या जवळ
असा भेटाया ओढीनं !

होत आली मध्यरात्र
पडले आता   किरणं
चांदण्याच्या प्रकाशानं
उजळून   आले   मनं !

शरदाच्या चांदण्यात
दूध    आटून   आटून
घेऊ   प्रसादा  सोबत
सुख -दुःख  हे  वाटून!

पुजा करून लक्ष्मीची
करा  दूधाचे   प्राशन
जाई पित्ताचा विकार
आहे आनंदाचा क्षण!