कविता संकलन विवेकाचा दिवा लाव

*✨...विवेकाचा दिवा लाव...💫*

_बाहेर आहे झगमगाट_
_उजळलाय सारा गाव..._
_आतल्या अंधाराचं काय ?_
_*तिथे एक दिवा लाव...!*_

_अंधार आहे विकृतीचा_
_आहे अंधार विद्वेषाचा..._
_*विवेकाचा* तेज फुलव_
_*प्रेमाचा* हा दिवा लाव..._

_गळा घोटते तेजाचा_
_ही भेदाभेदाची रात..._
_करुया जागर माणुसकिचा_
_*नीतीचा* एक दिवा लाव..._

_अंधाराचे राज्य उभे_
_उजेड पिण्याच्या डाव..._
_गाडुया हा घोर तिमिर_
_*निर्भयतेचा* दिवा लाव..._

_विद्वेषाच्या काळोखावर_
_विवेकाचे करू घाव..._
_चिकित्सेची चल वाट धरु_
_*विज्ञानाचा* दिवा लाव..._

_नेणिवेच्या दारावर_
_*जाणीवेच्या* पारावर..._
_जिथे जिथे असेल वाव_
_*तिथे एक दिवा लाव...*_

*✨तिमिरातूनी तेजाकडे नेणारा हा विवेकरूपी प्रकाश अखंड मानवजातीला व्यापून राहो...!✨*
*💫दीपोत्सवाच्या हार्दिक सदिच्छा...!💫*