कविता संकलित

शिवबा एकदा तु ये......

मानवता संपून गेली
राक्षसीवृत्ती उद्यास आली
माणुसकी जागवायला
शिवबा एकदा तु ये

आई-बहीण नाही सुटली
कोवळ्या कळीची इज्जत लुटली
नराधमाचा शिरच्छेद करायला
शिवबा एकदा तु ये...

सासरच्या जाचाला घाबरली
पोटात कळी खुडली
ममतेचे महत्त्व सांगायला
शिवबा एकदा तु ये...

"नात" बाप विसरू लागला
मुलीवर बलात्कार करू लागला
बापाचे "बापपण" सांगायला
शिवबा एकदा तु ये....

धर्मा-जातीवरुन दंगा झाला
दुष्काळाने जीव जाळला
सर्व-धर्म-सहिष्णूता सांगायला
शिवबा एकदा तु ये....
शिवबा एकदा तु ये....