चारोळी संकलन

🚩*छत्रपती शिवाजी महाराजांच्या जयंती निमित्त काही चारोळ्या* 🚩
------------------------------------------------
शिवराजे तुम्ही झालात
चक्रवर्ती सम्राट
गनिमी काव्याने केलात
बलाढ्य शत्रूंचा नायनाट

धाडस अन किर्ती
साहस अन शौर्य
चित केले तुम्ही
अफजली क्रौर्य

शक्तीपेक्षा ठरली
श्रेष्ठ तुमची युक्ती
निनादो पृथ्वीवर
दिगंतर किर्ती

गगनाला भिडली
तुमची किर्ती
रयतेचा वाली
अशी तुमची ख्याती

स्वराज्यासाठी वेचिले
मावळ्यांनी प्राण
निर्मिले हिंदवी राज्य
व्यर्थ न गेले बलिदान

जिवाला जीव देणारे
तुमचे मावळे
स्वराज्यासाठी एकत्र
आले जमून सगळे

पराक्रम दाविला
शहाजीराजांच्या छाव्याने
सळो कि पळो केले
शत्रूला गनिमी काव्याने

अफाट चतुराईने
केली शत्रूंवर मात
शेकडो मावळ्यांनी केला
लाखो गनिमांचा निःपात
🌺🌺🌺🌺🌺🌺🌺🌺🌺