गीतः कळत नाही भाऊ मले

कळत नाई भाऊ मले
      कसं सांगू तुमाले  |
कमी काऊन लेखता तुमी
      जिल्हा परिषद शाळेले ||
पोषण आहार, पुस्तकं
       कपडे इथं भेटतात |
गरिबाचे पोरं सारे
         याच शाळेत शिकतात ||
बंद झाली पाटी आता
        कमी झाला फळा |
जिकडं तिकडं झाल्या आता
         डिजीटल शाळा ||
ज्ञानरचना वादानं त
          कहरचं  केला  |
क-२ वाला पोरगा एकदम
          अ-२ वरचं नेला  ||
स्कॉलरशिप,नवोदयची
          स्पर्धा इथं घेतात |
 विज्ञान प्रदर्शना मंधी
          मेडल घेऊन येतात ||
नाई इथं फी कोणती
        नाई इथं डोनेशन |
वर्गामधे  शिकवल्यावर
        हवी कशाला ट्यूशन ||
जिकडे तिकडे कॉन्वेंटचा
        होत आहे प्रचार  |
कोण म्हणतय  भाऊ इथं
         पोरं नाहीत हुशार  ||
एक वेळ जि.प. शाळेत
          येऊन  तर बघा  |
उत्तर  दयायला  प्रश्नांचे
         वर्ग  दिसेल उभा.......
             सारा वर्ग दिसेल उभा ||

🏵 🏵🏵🏵🏵🏵🏵🏵