अभंग

!! जय शिवराय !!              !! जय तुकोबाराय !!

        ⛳ तुकाराम महाराजांची गाथा ⛳

              || अभंग - ३१४ ||

मी तों दीनाहूनि दीन ।
माझा तूज अभिमान ॥1॥

मी तों आलों शरणागत ।
माझें करावें स्वहित ॥ध्रु.॥

दिनानाथा कृपाळुवा।
सांभाळावें आपुल्या नांवा ॥2॥

तुका ह्मणे आतां ।
भलें नव्हे मोकलितां ॥3॥

           "थोडक्यात अर्थ"

हे पांडुरंगा मि दिनापेक्षा ही दिन आहे. तरी देखील तुला माझा अभिमान वाटतो.

मी तुला शरण आलो आहे. माझे हीत आता तुच करु शकतोस.

तु दिनांचा नाथ आहेस, तु कृपाळु आहेस. तुच तुझी ही किर्ती सांभाळ.

म्हणून तुकोबाराय म्हणतात हे देवा तु जर मला असेच उपेक्षित ठेवलेस तर ते तुला शोभनार नाही.

🙏🙏🙏🙏🙏