*माय मराठीचा गोडवा* माऊलीची अवीट ज्ञानेश्वरी महाराष्ट्राच्या कणाकणात मराठमोळ्या मना मनात अन इथल्या साऱ्या साहित्यात तुकोबांच्या अभंगाची गोडी नामदेवांचे दोहे, नरहरी सोनार चोखोबा जनाईच्या ओव्या एकनाथी भारुड अन गौळणी आणिक कितीतरी हे संत महाराष्ट्र माझा संतांची भूमी माती इथली केली असे पावन ह्याच लहान थोर संतानी मनामनात पेरा गोड मराठी मनामनात रूजवा माझी महाराष्ट्राची भाषा मराठी आपुल्या तन मन अंतरंगात मराठी मराठी भाषेच्या उद्धारासाठी कित्येकांनी रचिल्या कथा ओवी अभंगातुनी गाऊनी गाथा अमृताहूंनही गोड जिंकून पैज मराठी भाषेचा हाअमुल्य साज ह्दयी दिप उजळूया श्वासाश्वासात जागूया माय मराठीची थोरवी सातासमुद्रापल्याड नेऊया जाऊनी मायबोलीला शरण गाऊनी मराठीची थोरवी शमवून तृष्णा विद्यार्जनाची जपती संस्कृती साहित्याची, काव्यवैभवाची अन् माधुर्याची मातीमातीतुनी उगवावी फुलाफुलातुनी फुलवावी मेघामेघातुनी बरसवावी ज्ञानकण वेचूनी माझी माय मराठी माय मराठी रूजवूया अभिमान मातृभूमिचा व्यथा,कथा,काव्य साहित्याचा उजळूया दाहीदिशा तुझ्या किर्तीचा शौर्याचा गाथांचा ध्येयपूर्ती अन् प्रगतीचा. 〰〰〰〰〰〰〰 ✍श्रीमती प्रमिलाताई सेनकुडे. (ता.हदगाव जिल्हा नांदेड).