सेल्फी विथ गुरूजी ( संकलन)

*👀"सेल्फी विथ गुरुजी"*

थंडीमुळं हमखास आता
नाकात जमणार 'कुल्फी'
सरकारी फर्मान आलंय
गुरुजी काढणार 'सेल्फी'...!

मनगट चमकवीत आता
पोरं देतील 'पोज'
कॅमेऱ्याच्या 'साक्षी'नं
'शाळा' भरल रोज....!

'छडी' सुटली केंव्हाच
हातात सेल्फी 'स्टिक' आणणार
रडवेल्या तोंडानं गुरुजी
'स्माईल प्लिज' म्हणणार....!

सेल्फीमुळे म्हणे आता
पोरं येणार शाळेत
अर्ध्या हळकुंडाने सारे
आधीच पिवळे झालेत...!

गुरुजींची नोकरी हल्ली
म्हणजे आहे तारेवरची कसरत
व्याह्याचे घोडे सांभाळण्यात
गुरुजी अध्यापन चाललेत विसरत..!

'आचारी' करून झाला
गुरुजींचा फोटोग्राफर होणार
पाहात राहू अजुन बिचाऱ्यांचे
किती अच्छे दिन येणार....!

                    -अनामिक