*सण पोळ्याचा* श्रावण महिन्याच्या सरत्या शेवटी पिठोरी अमावस्येला, सण पोळ्याचा हो आला चला सजवूया बैलाला.... जगाचा पोशिंदा शेतकरी त्यास सर्जा राजाची साथ, साथ देतो तो आयुष्याला, खरा जन्माचा हा साथीदार काळ्या मातीतून उगवतो माणिक मोत्याच रे दान भरवितो तू सगळ्यांचे पोट तुझ्याचमुळे मिळते जीवनदान कवड्या, घुंगराची माळ कसे शोभे तुझ्या गळा डोकी गोंडे झुंबर बांधून सजवू रंगवु या बाशिंग अंगावर शोभे छानदार झुली, हलवीत डौलाने मान, सर्जा राजाची जोडी मिरवणुका निघती सगळीकडी बैल सजविलेले येता दारी घरची लक्ष्मी पूजा करी खाऊ घाली पुरणपोळी आनंदाने आरती ओवाळी शेतकरीराजा होई मग भावुक तुझे उपकार कधी फिटे ना आयुष्यात,तुझ्यामुळे मिळे आम्हा दोन वेळ पोटभर घास 〰️〰️〰️〰️〰️〰️〰️ *✍प्रमिलाताई सेनकुडे* *ता.हदगाव जिल्हा नांदेड.*