✴ सकाळच्या पहिल्या सूर्यकिरणासोबत आपल्या मोबाईलवर येणारी पहिली पोस्ट ~~~~~~~~~~~~~~~~~~~ 3⃣ 🎤 *फ्रेश मॉर्निंग बुलेटीन* 🎤 3⃣ ( फ्रेश शालेय परिपाठ ) 🕖 प्रसारण : सकाळी 06:50 ते 07:00 ( रविवार आणि सुट्टी वगळून ) ~~~~~~~~~~~~~~~~~~~ 📅 दि. 17/12/2018 वार - सोमवार •••••••••••••••ஜ۩۞۩ஜ••••••••••••••• 🌷 📆 . *दिनविशेष . 📆* 🌷 •••••••••••••••ஜ۩۞۩ஜ••••••••••••••• *राष्ट्रीय सेवानिवृत्ती दिन* 💥 ठळक घडामोडी :- १३९८ - तैमूर लंगने दिल्लीजवळ सुलतान नसिरुद्दीन मेहमूदच्या सैन्याचा पाडाव केला. १९२६ - लिथुएनियातील उठावात अंतानास स्मेतोनाने सत्ता बळकावली. १९६१ - गोवा मुक्तिसंग्राम - भारतीय सैन्याने गोव्याला पोर्तुगालपासून मुक्त केले. १९६७ - ऑस्ट्रेलियाचा पंतप्रधान हॅरोल्ड होल्ट पोर्टसी, व्हिक्टोरियाजवळ समुद्रात पोहत असताना गायब. १९७० - पोलंडमध्ये ग्डिनिया शहरात सैनिकांनी कामगारांवर गोळ्या झाडल्या. सुमारे २५ ठार. 💥 जन्म :- १९०८ - विल्लर्ड लिब्बी,कार्बन १४ किरणोत्सर्ग कालमापन पद्धतीचा शोध लावणारा नोबेल पारितोषिक विजेता अमेरिकन रसायनशास्त्रज्ञ. १९७२ - जॉन अब्राहम, हिंदी चित्रपट अभिनेता. १९७८ - रितेश देशमुख, हिंदी चित्रपट अभिनेता. 💥 मृत्यू :- १९२९ - मनुएल गोम्स दा कॉस्टा, पोर्तुगालचा ९६वा पंतप्रधान आणि १०वा राष्ट्राध्यक्ष. १९६४ - व्हिक्टर फ्रांझ हेस, नोबेल पारितोषिक विजेता अमेरिकन भौतिकशास्त्रज्ञ. १९६७ - हॅरोल्ड होल्ट, ऑस्ट्रेलियाचा पंतप्रधान. *संकलक :- संतोष रहांगडाले गोंदिया* 📱 9404277298 •••••••••••••••ஜ۩۞۩ஜ••••••••••••••• 🌷 *आजच्या ठळक बातम्या*🌷 •••••••••••••••ஜ۩۞۩ஜ••••••••••••••• 1⃣ *तामिळनाडूचे माजी मुख्यमंत्री एम करुणानिधी यांच्या पुतळ्याचे डीएमके मुख्यालयात काँग्रेसच्या सोनिया गांधींनी केले अनावरण* ••••••••••••••••••••••••••••••••••••• 2⃣ *टोकियो - जपानमधील सपोरो शहरातील एका पबमध्ये भीषण स्फोट, 42 जण गंभीर जखमी* ••••••••••••••••••••••••••••••••••••• 3⃣ *मुंबई म्हाडा लॉटरीला सुरुवात, पुढच्या वर्षी मुंबई लॉटरीमध्ये असणार दुप्पट घरं, गृहनिर्माण मंत्री प्रकाश मेहता यांची घोषणा* ••••••••••••••••••••••••••••••••••••• 4⃣ *भुपेश बघेल यांच्याकडे छत्तीसगडच्या मुख्यमंत्रिपदाची धुरा* ••••••••••••••••••••••••••••••••••••• 5⃣ *आस शिक्षक व शिक्षकेत्तर कर्मचारी संघटनेकडून राज्यस्तरीय उकृष्ट अध्यापक पुरस्कार वितरण सोहळा संपन्न, सलग पाचव्या वर्षी हा पुरस्कार सोहळा संपन्न* ••••••••••••••••••••••••••••••••••••• 6⃣ *हॉकी वर्ल्डकपवर बेल्जिअमची मोहोर; नेदरलँडला 3-2 गोलफरकाने हरवले* ••••••••••••••••••••••••••••••••••••• 7⃣ *पी. व्ही. सिंधूने रचला इतिहास, स्पर्धा जिंकणारी पहिली भारतीय, BWF World Tour Finals स्पर्धेतील महिला गटाचे जेतेपद पटकावले.* ••••••••••••••••••••••••••••••••••••• *📷 वृत्त संकलक - कुणाल पवारे 📹* 📱 9960358300 ~~~~~~~~~~~~~~~~~~~ बातम्यांची audio clip ऐकण्यासाठी खालील लिंकवर क्लिक करावे. https://sharechat.com/post/VKzVqwy Follow me on Share Chat *🎤 वृत्त निवेदक - नासा येवतीकर 📢* 📱 9423625769 ~~~~~~~~~~~~~~~~~~~ •••••••••••••••ஜ۩۞۩ஜ••••••••••••••• *✈ 🚀 गुगलयान ✈ 🚀* •••••••••••••••ஜ۩۞۩ஜ••••••••••••••• *धार्मिक स्थळी मोबाईल बंदी का ?* https://prajawani.in/news_page.php?nid=268 वाचून आपल्या प्रतिक्रिया जरूर दद्याव्यात ~~~~~~~~~~~~~~~~~~~ ✍ लेखक *नागोराव सा. येवतीकर, धर्माबाद* 9423625769 ~~~~~~~~~~~~~~~~~~~ •••••••••••••••ஜ۩۞۩ஜ••••••••••••••• 🌷🍃 *विशेष माहिती* 🌷🍃 •••••••••••••••ஜ۩۞۩ஜ••••••••••••••• *लक्ष्मीकांत बेर्डे* मराठी चित्रसृष्टीतील आघाडीचा अभिनेता आणि हिंदी चित्रपटसृष्टीतील सहकलाकार तसेच नाट्य अभिनेता लक्ष्मीकांत बेर्डे यानेआपल्या कारकिर्दीत त्याने मुख्यत: विनोदी भूमिका साकारल्या. सहज विनोदी अभिनयामुळे ते विनोदी अभिनेते म्हणून नावारूपाला आला. मराठी चित्रपटातील सुपरस्टारपद त्यांना चाहत्यांनी बहाल केले होते. लक्ष्मीकांत बेर्डेंचा अभिनय आधीपासूनच चित्तवेधक होता. सार्वजनिक गणेशोत्सवामधील सांस्कृतिक कार्यक्रमांत त्यांचा सहभाग असे. त्यांनी आंतरशालेय आणि आंतरमहाविद्यालयीन अभिनय स्पर्धांमध्ये पारितोषिके पटकावली होते. शिक्षण संपल्यावर लक्ष्मीकांतने मुंबई मराठी साहित्य संघाकडून सोबत व्यावसायिक नाट्यसृष्टीत पदार्पण केले. लेक चालली सासरला या चित्रपटाद्वारे प्रमुख अभिनेत्याच्या भूमिकेत त्याने १९८५ साली मराठी चित्रपटसृष्टीत पदार्पण केले. त्याने भूमिका साकारलेले धुमधडाका (इ.स. १९८५), अशी ही बनवाबनवी (इ.स. १९८८) व थरथराट (इ.स. १९८९) हे चित्रपट प्रचंड लोकप्रिय ठरले. सूरज बडजात्या-दिग्दर्शित मैने प्यार किया या चित्रपटाद्वारे सलमान खानच्या साथीत त्याने इ.स. १९८९ साली हिंदी चित्रपटसृष्टीत यशस्वी पदार्पण केले. त्याने विनोदी व्यक्तिरेखा साकारलेले साजन (इ.स. १९९१), बेटा (इ.स. १९९२) व हम आपके है कौन (इ.स. १९९४) इत्यादी हिंदी चित्रपटही खूप गाजले. त्याकाळी लक्ष्मिकांत बेर्डे, अशोक सराफ, सचिन पिळगावकर यांचे चित्रपटात असणे म्हणजे चित्रपट हमखास यशस्वी होण्याचे गमक झाले होते.अंशी आणि नव्वदचे दशक या अभिनेत्याने गाजवले. विनोदी चित्रपटांचा काळ होता. लक्ष्मीकांत बेर्डेने अनेक हिंदी चित्रपटांमध्येही भूमिका केल्या आणि विनोदी अभिनेता म्हणून आपले अस्तित्त्व निर्माण केले होते. मात्र त्यांची कारकीर्द ऐन बहरात असताना अकाली निधनाने त्यांची एक्झिट झाली *संकलन :- राजेंद्र महाजन, वेरूळ* 📱09403407550 •••••••••••••••ஜ۩۞۩ஜ••••••••••••••• 🌹 *" फ्रेश सुविचार "* 🌹 •••••••••••••••ஜ۩۞۩ஜ••••••••••••••• अन्न, वस्त्र आणि निवारा यासोबत माणसाची चौथी मूलभूत गरज म्हणजे पुस्तक. *संकलन :- सौ. भारती कुंभार, रायगड* 📱 9850296824 •••••••••••••••ஜ۩۞۩ஜ••••••••••••••• ❓ *आजची प्रश्नमंजुषा* ❓ •••••••••••••••ஜ۩۞۩ஜ••••••••••••••• *१) एन.एन.ओ.पी. चे विस्तारित रूप काय ?* नागा नॅशनल डेमॉक्रॅटिक कॉर्पोरेशन *२) सर्वोदय या संस्थेचे स्थापना वर्ष कोणते ?* १९०६ *३) भारताचा पहिला व्हॉइसराय कोण ?* लॉर्ड किनिंग *४) नेपाळची राजधानी कोणती ?* काठमांडू *५) अरुवी, महावेली या नद्या कोणत्या देशात वाहतात ?* श्रीलंका *संकलन : संगीता देशमुख, वसमत* 📱 9975704311 •••••••••••••••ஜ۩۞۩ஜ••••••••••••••• 🎂 *!!! आजचा वाढदिवस !!!* 🎂 •••••••••••••••ஜ۩۞۩ஜ••••••••••••••• ● सुधीर येलमे ● विक्रम पतंगे ● दिगंबर बेतीवार ● प्रतापसिंह मोहिते ● डॉ. उषा रामवानी गायकवाड ● श्रीनिवास नरडेवाड ● नारायण मुळे ● केशव कदम ● काशिनाथ बाभळीकर *सर्वाना वाढदिवसाच्या हार्दीक शुभेच्छा* [ या बुलेटिनसाठी आपले किंवा आपल्या जवळच्या नातेवाईकांचे वाढदिवस शुभेच्छा एक दिवस अगोदर fmbuletin@gmail. com येथे mail करावे. ] •••••••••••••••ஜ۩۞۩ஜ••••••••••••••• *! ! ! @@ गुगली @@ ! ! !* •••••••••••••••ஜ۩۞۩ஜ••••••••••••••• *हार अन् जीत* हार आणि जीत जगण्याची रीत आहे आपल्यांसाठी हारणं म्हणजे प्रित आहे नात्यात जिंकण्या पेक्षा हारणं मोठं असतं आपल्यांना हरवून जिंकण खोटं असतं शरद ठाकर सेलू जि परभणी 8275336675 •••••••••••••••ஜ۩۞۩ஜ••••••••••••••• ••• ● ‼ *विचार धन*‼ ● ••• •••••••••••••••ஜ۩۞۩ஜ••••••••••••••• *कुटुंब संस्थेचा मध्यवर्ती केंद्रबिंदू म्हणजे घर. घराचे आकर्षण फक्त मानवालाच असते असे नाही, तर पहाटेपूर्वी आकाशात भरारी घेतलेले पक्षी, माळरानावर चरण्यासाठी गेलेली जनावरे सायंकाळी आपल्या घराकडे वळतात. घर हे माणसांइतकेच पशुपक्षी, जनावरांना हक्काचा निवारा वाटते. पूर्वीची घरे एकत्र कुटुंबपद्धतीला सामावून घेणारी होती. दोन-तीन पिढ्यांचे लोक गुण्यागोविंदाने एकत्र रहायचे. लहान मुला-मुलींच्या किलबिलाटाने घराचे गोकुळ होऊन जात असे. घराच्या भिंती फक्त दगड मातीच्या नव्हत्या, तर त्या प्रेम, जिव्हाळ्याने रसरसलेल्या होत्या. नातेसंबंध नुसते नातेसंबंध नव्हते, तर नात्यात मायेची ऊब होती.* *आज वृद्धांच्या समस्या 'आ' वासून उभ्या आहेत. मुलं परमुलखात गेल्यामुळे एकाकी पडलेली वृद्ध मंडळी एका बाजूला दिसतात, तर दुसरीकडे घरात मुलं, सुना, नातवंडे असूनही अवहेलनेने भरलेले एकाकीपण जगणारी वृद्ध मंडळी दिसत आहेत. समृद्ध संसारातील एक अडगळ म्हणून त्यांच्याकडे पाहिलं जातंय. मुला-लेकरांच्या सुखासाठी तुफान होऊन झगडलेल्या माता पित्यांना 'थकलेल्या तुफानाला कुणी घर देता का घर...?' असं म्हणत भटकायची वेळ येते. अशी अनेक झुंजलेली तुफानवादळे रस्त्याकडेला, पुलाखाली, किंवा वृध्दाश्रमात नशिबाला दोष देत कण्हत पडलेली दिसतात.* ••●‼ *रामकृष्णहरी* ‼●•• 🌺🌺🌺🌺🌺🌺🌺🌺🌺 संजय नलावडे, चांदीवली, मुंबई 9167937040 •••••••••••••••ஜ۩۞۩ஜ••••••••••••••• 🌟! ! *कबीराचे बोल* ! !🌟 •••••••••••••••ஜ۩۞۩ஜ••••••••••••••• कागत लिखै सो कागदी, को व्यहाारि जीव आतम द्रिष्टि कहां लिखै , जित देखो तित पीव। सारांश महात्मा कबीर आत्मानुभवावर अधिक विश्वास ठेवायला सांगतात. सर्वजण ऐकीव व लिखित गोष्टीच प्रमाण माणून हट्टवादी मनोवृत्ती तयार करून घेतात. कागदोपत्री शास्त्रात लिहलेले दस्तऐवज आहेत. त्याला आपण सत्याच्या कसोटीवर कुठ जाणून घेतलेलं असतं. केवळ ऐकून अथवा वाचून त्या गोष्टीवर हुकूम वागण्याचा किवा जगण्याचा प्रयत्न करणे म्हणजे आंधळी भक्ती करणे होय. त्या भक्तीला व्यावहारिकता कशी कळणार ? अशा भक्तीचा मार्ग जर आपण अनुसरणार असू तर मानवानेच मानवावर लादलेल्या दांभिकता थोतांडातून माणूसाची मुक्तता कशी होणार ? माणसाला मिळालेल्या बुद्धीचा वापर तथ्य जाणून घेण्यासाठी विचार व विवेकासाठी नाही केला तर आत्मसाक्षात्कार तरी कसा होणार ? बाह्य जग डोळे उघडे ठेवून पाहता आलं पाहिजे. ध्यान मनन करताना डोळे मिटून चिंतन करता आलं पाहिजे. खर्‍या साधूची संगती आत्मबोधाकडे नेत असते. मनाची संभ्रमावस्था पार निघून जाते. प्रकटणारं सत्य हे अंतिम व शाश्वत सत्य असतं. त्याला कुठलीही कसोटी देण्याची गरज भासत नाही. इथं फसवेगिरी किवा भामटेगिरिचा धोका नसतो. स्वानुभव हे दाखवता येत नाहीत ते अनुभवता येतात. निजरूपाचं खरं दर्शन स्वतःत डोकावल्याशिवाय कसं होणार ? डोळे दृष्टी देतात. दृष्टीकोन स्वतःलाच तयार करावा लागतो. विकार विरहित जगताना निसर्गाची दिव्यता ध्यानात येवू लागते. सर्वत्र आपल्याला ईश्वराचं अस्तित्व दिसू लागतं. खर्‍या परमात्म्याचं दर्शन होतं. एकनाथ डुमणे, मुखेड 📱 9096714317 •••••••••••••••ஜ۩۞۩ஜ••••••••••••••• *🎯 आजचे विचारवेध......✍🏻* •••••••••••••••ஜ۩۞۩ஜ••••••••••••••• एखादा कुंभार जेव्हा चाकावर मडके घडवण्यापूर्वी मातीमध्ये पाणी आणि जीव ओतून मुलायम मातीचा गोळा बनवून चाकाच्या मध्यभागी ठेवून चाकाला फिरवतो आणि फिरणा-या चाकावरच आपल्या चिखलाने भरलेल्या हाताने प्राथमिक स्वरुपात मडक्याचा आकार करतो.आणि निराकार असलेल्या मडक्याला चाकावरुन काढून बाजूला घेऊन मडक्याच्या आत एक हात घालून व दुस-या हातात थापटी घेऊन जसा पाहिजे तसा आकार देऊन आकर्षक आणि सुंदर आकाराचे मडके बनवतो.मडके बनवण्याचे सारे श्रेय मडके बनवणा-या कुंभाराकडेच जाते.कारण तो आपल्या एकाग्र मनाने,परिश्रमाने आणि सातत्याने प्रयत्न करुन निराकार मातीचे रुपांतर एका सुंदर आणि आकर्षक मडक्यामध्ये करतो.त्याचप्रमाणे प्रत्येक पालकाची आपल्या पाल्याविषयी भूमिका एका कुंभारासारखीच असते.आपला पाल्य हा एका निराकार मातीसारखाच असतो.त्याला त्याच्यावर प्रेम,माया,आपुलकी देऊन त्यावर योग्य संस्कार करुन तो सुजान, सुसंस्कृत, आदर्श नागरिक बनवून तो आपल्या पायावर सक्षमपणे बनवण्याचे प्रयत्न करतात आणि राष्ट्राच्या उभारणीसाठी हातभार लावतात.आई-वडील हेच आपल्या पाल्याचे खरे शिल्पकार असतात.म्हणून पालकांनीही तेवढेच जागृत राहून आपल्या पाल्यांच्या काही कमतरता असतील तर त्या शक्यतो जाणून घेऊन त्यांचे भवितव्य घडविण्यासाठी अथक परिश्रम घ्यावे आणि सुंदर आणि आकर्षक पाल्यांचे व्यक्तिमत्व घडवावे असे केले तर अधिक पालकांनाही आपण आपल्या पाल्यासाठी केल्याचे समाधान वाटेल.कुंभारासारखीच पाल्यांच्या बाबतीत पालकांची भूमिका आहे हे निश्चित.पाल्यांचे भवितव्य घडवण्यात कसल्याही प्रकारचा कमीपणा मानू नये.आपणही कुंभारासारखे सदैव पाल्याच्या सर्वांगीण विकासासाठी पाठीशी खंबीरपणे उभे टाकायलाच हवे. © व्यंकटेश काटकर, नांदेड भ्रमणध्वनी..९४२१८३९५९०. 🍂🍃🍂🍃🍂🍃🍂🍃🍂 •••••••••••••••ஜ۩۞۩ஜ••••••••••••••• *🎡 मुल घडवताना.... 🎡* •••••••••••••••ஜ۩۞۩ஜ••••••••••••••• मुलांवर चांगले संस्कार करणे ही आजच्या काळाची मुख्य गरज आहे. नव्या पिढीला चांगले ज्ञान दिले गेले पाहिजे. चांगले संस्कार केले पाहिजेत. त्यामुळे समाजाचाही स्तर उंचावेल. जगातील सर्वाधिक संत आपल्या देशात होऊन गेले. आपली भारतीय संस्कृती महान आहे आणि ती जगभरात पोहोचावी यासाठी प्रयत्न केले जावेत. गुंडेवार मा स जि.प.प्रा.शा गोंडेमहागाव ता. किनवट. जि नांदेड़ संपर्क _9623124594 •••••••••••••••ஜ۩۞۩ஜ••••••••••••••• 🎭 *आजची फ्रेश बोधकथा* 🎭 •••••••••••••••ஜ۩۞۩ஜ••••••••••••••• *माणुसकी* इसाप हा एक गुलाम होता, पण आपल्‍या विद्वत्तेच्‍या जोरावर त्‍याने समाजात अत्‍युच्‍च स्‍थान निर्माण केले होते, ज्‍या धनाढ्याने इसापला विकत घेतले होते त्‍याचे नाव होते क्‍झेनथस, इसाप आपल्‍या आचरणातून क्‍झेनथसला सतत शिकवण देत असे. ज्‍या काळी रोममध्‍ये सार्वजनिक स्‍नानगृहे असत, सज्‍जन लोक सार्वजनिक स्‍नानगृहात जाऊन आंघोळ करत असत. एकदा क्‍झेनथसने इसापला स्‍नानगृहात गर्दी आहे की रिकामे आहे हे पाहून येण्‍यास सांगितले. इसापने जाऊन पाहिले तर तेथे बरेच लोक आंघोळीसाठी जमा झाले होते. तेवढयात त्‍याचे लक्ष स्‍नानगृहाच्‍या दारासमोर पडलेल्‍या एका मोठ्या दगडाकडे गेले. अनेक लोक त्‍या दगडाला अडखळून पडत होते, दगड रस्‍त्‍यात कसा म्‍हणून शिव्‍या देत होते. तेवढ्यात एक माणूस आला तोही त्‍या दगडाला अडखळून पडला, त्‍यानेही शिवी हासडली पण तो दगड त्‍याने उचलून दूर फेकला आणि मगच तो स्‍नानगृहात गेला.हे सर्व पाहून इसाप घरी गेला व मालकाला सांगितले की, स्‍नानगृहात फक्त एकच माणूस आंघोळीसाठी आला आहे. आंघोळीच्‍या पूर्ण तयारीनिशी क्‍झेनथस स्‍नानगृहात पोहोचला आणि पाहतो तर काय, तेथे तर प्रचंड गर्दी आहे. क्‍झेनथसने इसापला विचारले तू तर म्‍हणाला इथे फक्त एक माणूस आहे पण इथे तर प्रचंड गर्दी दिसते. इसाप उत्तरला,'' इथे रस्‍त्यात एक दगड पडला होता, येथे येणारा प्रत्‍येकजण दगडाला अडखळून पडत होता, शिव्‍या देत होता पण दगड उचलून टाकण्‍याचे शहाणपण फक्त एकानेच दाखविले. त्‍यामुळे फक्त एकच माणूस असल्‍याचे मी आपणास सांगितले.'' क्‍झेनथस निरूत्तर झाला. *तात्‍पर्य- फक्त जीवंत असणे ही ओळख नसून जीवनाचा सदुपयोगच तुम्‍हाला स्‍वतंत्र ओळख देऊ शकते. आपल्‍या जीवनाचा इतरांनाही उपयोग व्‍हावा हेच खरे.* ============== वर्तमानपत्रातून संग्रहित ============== *संकलक :- प्रमिलाताई सेनकुडे, नांदेड* जि.प.प्रा.शा. गोजेगाव ता.हदगाव, जि. नांदेड http://www.pramilasenkude.blogspot.in 📱 9403046894 •••••••••••••••ஜ۩۞۩ஜ••••••••••••••• आपल्या सूचना, निवेदन, अभिप्राय, बातम्या, वाढदिवस, माहिती किंवा शंका fmbuletin@gmail.com येथे कळवावे. •••••••••••••••ஜ۩۞۩ஜ••••••••••••••• ~~~~~~~~~~~~~~~~~~~ *🎤 मुख्य संकलक-नासा येवतीकर 📢* 📱 9423625769 ~~~~~~~~~~~~~~~~~~~ *🙏 🙏 धन्यवाद 🙏 🙏* पुन्हा भेटू उद्या फ्रेश मॉर्निंग बुलेटिनमध्ये तोपर्यंत नमस्कार ~~~~~~~~~~~~~~~~~~~