✴ सकाळच्या पहिल्या सूर्यकिरणासोबत आपल्या मोबाईलवर येणारी पहिली पोस्ट~~~~~~~~~~~~~~~~~~~ 9️⃣ 🎤 *फ्रेश मॉर्निंग बुलेटीन* 🎤 9️⃣ ( फ्रेश शालेय परिपाठ )🕖 प्रसारण : सकाळी 06:50 ते 07:00 ( रविवार आणि सुट्टी वगळून )~~~~~~~~~~~~~~~~~~~🎇 दिनांक :- 16 फेब्रुवारी 2024💠 वार - शुक्रवार~~~~~~~~~~~~~~~~~~~Link - http://nasayeotikar.blogspot.com/2018/01/blog-post_6.html••••••••••••ஜ۩۞۩ஜ•••••••••••••🌷🌐 . *दिनविशेष* . 🌐🌷••••••••••••ஜ۩۞۩ஜ•••••••••••••*_ या वर्षातील ४७ वा दिवस आहे_* •••••••••••••••••••••••••••••••• *_महत्त्वाच्या घटना:_* •••••••••••••••••••••••••••••••• *२००८: प्रसिद्ध गायक नितीन मुकेश यांना मध्य प्रदेश सरकारकडून लता मंगेशकर पुरस्कार देण्यात आला.* *१९८५:लेबनॉनमध्ये हिजबोल्ला या कट्टरपंथीय शिया मुस्लिम संघटनेची स्थापना.**१९५९:फिडेल कॅस्ट्रो क्यूबाच्या अध्यक्षपदी**१९२७:भारत आणि नेपाळ यांच्यात रेल्वे वाहतूक सुरू**१९१८:लिथुएनियाने (रशिया व जर्मनीपासून) स्वातंत्र्य जाहीर केले.**१९१४:लष्करी वस्तू संग्रहालयाची अहमदनगर येथे स्थापना* *_जन्मदिवस / जयंती / वाढदिवस:_* ••••••••••••••••••••••••••••••••••••••*१९८६:साबिना थाॅमस फोस-- कवयित्री* *१९८३:कीर्ती विजय लंगडे-- कवयित्री,लेखिका**१९८१:चिन्मयी ऋषिकेश चिटणीस -- कवयित्री* *१९७८:वासिम जाफर – भारतीय क्रिकेटपटू**१९७५:प्रा.डॉ.वर्षा तोडमल -- कवयित्री लेखिका,संपादिका**१९६९:गजेंद्र विठ्ठल अहिरे-- मराठी चित्रपटसृष्टीतील दिग्दर्शक,लेखक आणि कवी**१९६२:जयंत राजाराम पाटील--माजी मंत्री**१९५७:मल्लिका अमर शेख(मल्लिका नामदेव ढसाळ)-- मराठी लेखिका**१९५६:सरोज नंदकिशोर भागवत-- प्रसिद्ध लेखिका**१९५४:प्रा.डॉ.विजय लक्ष्मीकांत धारुरकर -- प्रसिद्ध लेखक* *१९५४:मायकेल होल्डिंग – वेस्ट इंडिजचा क्रिकेटपटू**१९५२:डॉ.सुमन नवलकर-- प्रसिद्ध बाल साहित्यिक* *१९४१:डॉ.वसुधा पांडे-- कवयित्री,लेखिका**१९३२:मनोहर गजानन काटदरे-- ज्येष्ठ नाटककार(मृत्यू:१० जुलै २०१४)* *१९२७:प्राचार्य राम डोके-- जेष्ठ विनोदी साहित्यिक (मृत्यू:१ एप्रिल २००८)**१९२४:उषा हरिश्चंद्र उजगरे -- लेखिका, प्रवासवर्णनकार (मृत्यू:१९ जून २००२)* *१९२०:इंद्र सेन जोहर (आय.एस.जोहर)-- भारतीय अभिनेता,लेखक,निर्माता आणि दिग्दर्शक(मृत्यू:१० मार्च १९८४)**१९११:डॉ.भालचंद्र गोपाळ बापट-- वृत्तपत्र संपादक व शिक्षणतज्ञ**१८८४:विनायक सदाशिव वाकसकर-- इतिहास अभ्यासक चरित्रकार**१८७६:रघुनाथ पुरुषोत्तम परांजपे – भारतातील पहिले सिनिअर रँग्लर,फर्ग्युसन महाविद्यालयाचे प्राचार्य,पुणे विद्यापीठाचे कुलगुरू,मुंबई राज्याचे शिक्षणमंत्री(मृत्यू:६ मे १९६६)**१८१४:रामचंद्र ऊर्फ रघुनाथ पांडुरंग येवलेकर ऊर्फ तात्या टोपे-- सेनापती (मृत्यू:१८ एप्रिल १८५९)**१७४५:माधवराव बल्लाळ भट ऊर्फ ’थोरले’ माधवराव पेशवे – मराठा साम्राज्यातील ४ था पेशवा,१६ व्या वर्षी पेशवेपदावर विराजमान झालेला अत्यंत कर्तबगार पेशवा. पानिपतच्या युध्दानंतर विस्कटलेली मराठेशाहीची घडी त्यांनी बसविली.(मृत्यू:१८ नोव्हेंबर १७७२)* *_मृत्यू / पुण्यतिथी / स्मृतिदिन:_* ••••••••••••••••••••••••••••••••••••••*२०२१:प्राचार्य वामन ना. अभ्यंकर ऊर्फ भाऊ अभ्यंकर-- निगडी,पुणे येथील ज्ञान प्रबोधिनीचे संस्थापक(जन्म:१९४२)**२०१५:रावसाहेब रामराव पाटील(आर.आर. पाटील)- माजी उपमुख्यमंत्री (जन्म:१६ऑगस्ट १९५६)**२००१:रंजन साळवी – 'पिंजरा', 'सवाल माझा ऐका', 'केला इशारा जाता जाता' आदी मराठी चित्रपटांचे नृत्यदिग्दर्शक* *२०००:बेल्लारी शामण्णा केशवन – आंतरराष्ट्रीय कीर्तीचे ग्रंथालयशास्त्रज्ञ,पद्मश्री, ’इंडियन नॅशनल सायंटिफिक डॉक्युमेंटेशन सेंटर’चे पहिले संचालक**१९९६:आर.डी.आगा – उद्योगपती,थरमॅक्स उद्योगसमुहाचे संस्थापक* *१९९४:पं.निवृत्तीबुवा सरनाईक – जयपूर-अत्रौली घराण्याचे गायक (जन्म:४ जुलै १९१२)**१९६८:नारायणराव सोपानराव बोरावके – कृषी शिरोमणी,पहिले मराठी साखर कारखानदार (जन्म:१७ आक्टोबर १८९२)**१९६४:आनंदराव कृष्णाजी टेकाडे--कवी, गीतकार(जन्म:५ एप्रिल १८९०)**१९५६:मेघनाद साहा – खगोल भौतिकशास्त्रज्ञ व संसदसदस्य(जन्म:६ आक्टोबर १८९३)**१९४४:धुंडिराज गोविंद ऊर्फ ’दादासाहेब’ फाळके – भारतीय चित्रपट उद्योगाचे जनक, लेखक,छायाचित्रकार,दिग्दर्शक,संकलक, वेशभूषाकार,कलादिग्दर्शक इ.अनेक जबाबदार्‍या ते सांभाळत असत (जन्म:३० एप्रिल १८७०)**१९२३:रावबहादुर विष्णू मोरेश्वर महाजनी -- मराठीतील समीक्षक,कवी व नाटककार(जन्म:१२ नोव्हेंबर १९५१)*~~~~~~~~~~~~~~~~~~~~~~ *_दिनविशेष या सदरातील सर्व मुद्दे हे संग्रहात्मक आहेत तेव्हा त्यात चूका नसतीलच असे सांगता येणार नाही_* *✍ संकलन ✍* *श्रीराम चव्हाण माजी शिक्षणाधिकारी,नागपूर*मोबाईल:9822695372 ईमेल: chavhansk65@gmail.com••••••••••••ஜ۩۞۩ஜ••••••••••••• *✈ 🚀 गुगलयान ✈ 🚀*••••••••••••ஜ۩۞۩ஜ•••••••••••••*एकच ध्यास ; वाचन विकास*शिक्षण प्रक्रियेतील वाचन हे एक प्रमुख कौशल्य आहे. ज्यावर विद्यार्थ्यांची भविष्यातील प्रगती अवलंबून असते. भाषा विकासातील श्रवण व भाषण यानंतरचा टप्पा म्हणजे वाचनकौशल्याचा. प्रसिद्ध मानसशास्त्रज्ञ स्टुअर्ट रिची यांनी आपल्या संशोधनात असे म्हटले आहे की, मुलांची वाचन क्षमता आणि त्याला किती लहान वयात वाचन करता येते त्यावर त्याची पुढील प्रगती अवलंबून आहे. यासोबत ते पुढे असे म्हणतात की, आपल्या मुलांचा अभ्यास पक्का करायचा असेल तर तो शाळेतील पुस्तके वाचतो की नाही हे तर बघावेच, याशिवाय अन्य काही अवांतर पुस्तक वाचन करतो की नाही ................... पूर्ण लेख वाचण्यासाठी वरील निळ्या अक्षरावर क्लीक करावे.~~~~~~~~~~~~~~~~~~~ 🌷 *आजच्या ठळक बातम्या*🌷••••••••••••ஜ۩۞۩ஜ•••••••••••••1⃣ *तंत्रस्नेही शिक्षक आनंदा आनेमवाड यांना लोकमत महाराष्ट्रीयन ऑफ दि इअर पुरस्कार*•••••••••••••••••••••••••••••••••••••2⃣ *डॉक्टरांना माघारी पाठवलं, मनोज जरांगेंचे पुन्हा उपचार घेण्यास नकार... मुंबई हायकोर्टाने घेतली दखल*•••••••••••••••••••••••••••••••••••••3⃣ *राष्ट्रवादी काँग्रेस पक्ष अजित पवार यांचाच, विधानसभा अध्यक्ष राहुल नार्वेकर यांचा निर्णय, पक्षात फूट नसल्यामुळे दोन्हीही गटाचे आमदार पात्र*•••••••••••••••••••••••••••••••••••••4⃣ *राज्यसभेसाठी सर्व उमेदवारांचा उमेदवारी अर्ज दाखल ! महायुतीकडून अशोक चव्हाण, डॉ. अजित गोपछडे, मेधा कुलकर्णी, मिलिंद देवरांसह प्रफुल्ल पटेलांनी मानले दिग्गजांचे आभार*•••••••••••••••••••••••••••••••••••••5⃣ *इलेक्टोरल बाँड्स घटनात्मक दृष्ट्या अवैध ; सर्वोच्च न्यायालयाचा मोदी सरकारला धक्का*•••••••••••••••••••••••••••••••••••••6⃣ *म्हाडाच्या कोकण मंडळाच्या 5311 घरांच्या लॉटरी सोडतीचा मुहूर्त 24 फेब्रुवारीला*•••••••••••••••••••••••••••••••••••••7⃣ *रोहित शर्मा, रवींद्र जडेजाची शतकं, सरफराजचं पदार्पणात अर्धशतक, इंग्लंडविरोधात तिसऱ्या कसोटीच्या पहिल्या दिवसावर भारताचे वर्चस्व*•••••••••••••••••••••••••••••••••••••*📷 वृत्त संकलक - कुणाल पवारे 📹*📱9960358300•••••••••••••••••••••••••••••••••••••ही पोस्ट नियमित मिळविण्यासाठी आणि या समुहात add होण्यासाठी 9423625769 येथे संपर्क करावे.••••••••••••ஜ۩۞۩ஜ••••••••••••• 🌷🍃 *विशेष माहिती* 🌷🍃••••••••••••ஜ۩۞۩ஜ•••••••••••••📙 *हवेचा दाब कसा मोजतात ?* 📙 ***************************आपल्याकडे सभोवती सगळीकडे हवा आहे. वारा वाहतो तेव्हा हवा असल्याचं आपल्याला जाणवतं. एरवी ती आपल्याला दिसत नाही. त्यामुळे तिला काही वजन असेल याची कल्पनाही आपल्याला येत नाही. पण जमिनीपासून थेट आकाशात कितीतरी उंचीपर्यंत हवा असते. त्यामुळे जमिनीवर तिचा सतत दाब पडत असतो. जमिनीच्या एक चौरस मीटरच्या तुकड्यावर हवेचा असा जो स्तंभ उभा असतो, त्याचा जो दाब पडतो त्याला हवेचा दाब म्हणतात. हवामानखातं जेव्हा उद्याच्या किंवा पुढील आठवड्याच्या हवामानाचा अंदाज देतं तेव्हा निरनिराळ्या ठिकाणी असलेल्या हवेच्या दाबाची माहितीही दिली जाते. जेव्हा अनपेक्षितरित्या पाऊस येतो तेव्हा कोणत्यातरी ठिकाणी कमी दाबाचा पट्टा निर्माण झाल्यामुळे पाऊस पडत असल्याचं सांगण्यात येतं. त्यावेळीच आपल्याला हवेचाही दाब असतो हे आठवतं. हवेचा हा दाब पास्कल किंवा बार या एककांमध्ये मोजला जातो. पण ते झालं वैज्ञानिक परिमाण. एरवी आपल्याला ओळखीचं असणारं परिमाण म्हणजे पाऱ्याची उंची. जसा रक्तदाब नळीतल्या पाऱ्याच्या उंचीत मोजला जातो तसाच हवेचा दाबही मोजला जातो. यासाठी वापरण्यात येणाऱ्या यंत्राला बॅरोमीटर असं म्हणतात. त्यात एका भांड्यात पारा ठेवून त्यात एक उलटी नळी ठेवलेली असते. त्या नळीतील हवा काढून घेतलेली असल्याने तिच्यात निर्वात पोकळी निर्माण झालेली असते. भांड्यातल्या पाण्यावर पडणाऱ्या हवेच्या दाबामुळे पारा त्या नळीत चढतो. नळीतल्या पार्‍याचं वजन आणि त्या भांड्यातल्या नळीच्या तोंडाच्या क्षेत्रफळाएवढ्या जागेवरच्या हवेचं वजन समान असतं. त्यामुळे नळीतल्या पाऱ्याची उंची ही त्या हवेच्या दाबाचं माप असल्याचं धरलं जातं. सामान्यत: समुद्रसपाटीवर पाऱ्याची उंची ७६० मिलिमीटर असते. तोच हवेचा दाब मानला जातो. एका चौरस सेंटीमीटर क्षेत्रफळावरच्या हवेचा दाब एक किलोन्यूटन असतो.हे अर्थात अतिशय प्राथमिक स्वरूपाचं बॅरोमीटर झालं. हवेचा दाब मोजावयास सुरुवात झाली तेव्हा अशा यंत्राचा वापर होत असे. आजकाल याच तत्त्वावर आधारित पण अचूक मोजमाप करणारी इलेक्ट्रॉनिक बॅरोमीटर्स उपलब्ध आहेत. जसजसं उंचावर जावं तसतशी हवा विरळ होते. सहाजिकच तिथं हवेचा दाब घसरत जातो.*बाळ फोंडके यांच्या 'कसं ?' या पुस्तकातून**संकलन :- श्याम बसप्पा ठाणेदार, पुणे*••••••••••••ஜ۩۞۩ஜ••••••••••••• 🌹 *" फ्रेश सुविचार "* 🌹••••••••••••ஜ۩۞۩ஜ•••••••••••••कृतीपेक्षा शब्दाने शत्रू निर्माण होण्याची शक्यता जास्त असते.*संकलन :- प्रमिलाताई सेनकुडे**ता. हदगाव जि. नांदेड*📱9403046894••••••••••••ஜ۩۞۩ஜ••••••••••••• ❓ *आजची प्रश्नमंजुषा* ❓••••••••••••ஜ۩۞۩ஜ•••••••••••••१) २०२४ चा डॉ.मोहन धारिया राष्ट्रनिर्माण पुरस्कार कोणाला जाहीर झाला आहे ?२) भारतीय हरितक्रांतीचे जनक, भारतरत्न डॉ.एम.एस.स्वामीनाथन यांचे पूर्ण नाव काय आहे ?३) अबुधाबी येथे sandstone चा वापर करून आखातातील सर्वात मोठ्या मंदिराचे उद्घाटन कोणाच्या हस्ते झाले ?४) नागपूर ते गोवा हा धार्मिक स्थळांना जोडणारा शक्तीपीठ महामार्ग एकूण किती जिल्ह्यातून जात आहे ?५) फुटबॉलमध्ये आता रेड आणि यलो कार्डनंतर कोणत्या नविन कार्डचा समावेश करण्यात येणार आहे ? *उत्तरे :-* १) पद्मभूषण डॉ.सायरस पूनावाला २) मोनकोंबू शिवसांबन स्वामीनाथन ३) नरेंद्र मोदी, पंतप्रधान ४) ११ जिल्हे ५) ब्ल्यू कार्ड*संकलन :- जैपाल भै. ठाकूर*जि.प.व.प्राथ.शाळा भोसा, ता. आमगाव, जि. गोंदिया 📱9765943144••••••••••••ஜ۩۞۩ஜ•••••••••••••🎂 *!!! आजचा वाढदिवस !!!* 🎂••••••••••••ஜ۩۞۩ஜ••••••••••••• *◆|वा|ढ|दि|व|स|अ|भि|ष्ठ|चिं|त|न|◆* 👤 कु. सानिका कुणाल पवारे, कुंडलवाडी👤 बाप्पा महाजन, आदर्श शिक्षक, नाशिक👤 प्रदीप वाघमारे, पुणे👤 सतीश चौहान, चौसाळा👤 प्रमोद हिवराळे, धर्माबाद👤 लता विष्णु वायाळ (स.शिक्षिका) भोकर👤 मारोती गंगाधर जाधव👤 बजरंग येमुल, नांदेड👤 शंकर छपरे👤 बालाजी पाटील जाधव👤 राजू इटलावार👤 महंमद सादिक खान👤 शंकर मासूनवार👤 डॉ. मुखत्यार आतार*ઉदंड_आયુષ્યાच्या अનંત_શુभेच्छा*[ या बुलेटिनसाठी आपले किंवा आपल्या जवळच्या नातेवाईकांचे वाढदिवस शुभेच्छा एक दिवस अगोदर 9423625769 येथे पोस्ट करावे. ]••••••••••••ஜ۩۞۩ஜ••••••••••••• ••• 💡 ‼ *मनाचे श्लोक*‼ 💡•••••••••••••••ஜ۩۞۩ஜ•••••••••••••नभी वावरे जा अणुरेणु काही।रिता ठाव या राघवेवीण नाही॥तया पाहता पाहता तोचि जाले।तेथे लक्ष आलक्ष सर्वे बुडाले॥१९६॥।। जय जय रघुवीर समर्थ ।।••••••••••••ஜ۩۞۩ஜ••••••••••••• *🌷 आजची विचारधारा......🌷*••••••••••••ஜ۩۞۩ஜ•••••••••••••इतरांच्या विषयी नको त्या शब्दात बोलून स्वतःचे समाधान व आनंद मानण्यात किती सोपे आहे..? पण, खऱ्या अर्थाने आपल्या बोलण्यात किती तथ्य आहे.? याचा पडताळा आपण कधी तरी घेत असतो काय.? याचा साकल्याने विचार करण्याची गरज आहे.जर एखाद्याच्या विषयी चांगले बोलणे होत नसेल तर नको त्या शब्दात सांगून आपलीच वेळ वाया घालवू नये. भलेही आज स्वतःचा समाधान मानून घेण्यात जरी आनंद मिळत असेल तरी, ती व्यक्ती नसल्यावर ह्या सर्व गोष्टींना काहीही अर्थ नसतो.🌷🌷🌷🌷🌷🌷🌷🌷🌷🌷🌷🌷सौ. संगीता संतोष ठलाल मु. कुरखेडा जि. गडचिरोली••••••••••••ஜ۩۞۩ஜ•••••••••••••🎭 *आजची फ्रेश बोधकथा* 🎭••••••••••••ஜ۩۞۩ஜ••••••••••••• *खरी नक्कल*भोजराजाकडे एक बहुरुपी गेला. राजाने त्याला आपले सोंग घ्यायला सांगितले. थोड्याच वेळात हुबेहुब त्या राजाप्रमाणे बनून, तो बहुरुपी राजसभेत शिरला.त्याचे त्याच्या कलेतील असामान्य कौशल्य पाहून खुष झालेल्या भोजराजाने त्याला एक मौल्यवान रत्नहार देऊ केला.भोजराजाचे सोंग घेतलेल्या त्या बहुरुप्याने तो रत्नहार तर स्विकारला नाहीच, पण राजाला साधा मुजरा करण्याचा शिष्टाचारही पाळला नाही. एवढंच नव्हे तर तो राजसभेत ज्या राजेशाही दिमाखांन आला, तशाच तऱ्हेनं निघून जाऊ लागला.दरबारी मंडळींना त्या बहुरुप्याचा हा उध्दटपणा आवडला नाही. त्यांच्यापैकी काहीजण राजाच्या कानात काहीतरी कुजबुजले. त्याबरोबर राजाने आपल्या सेवकांना त्या बहुरुप्याला पकडून, आपल्यापुढं हजर करण्याचा हुकुम सोडला.त्या बहुरुप्याला पकडून समोर आणताच राजा त्याला म्हणाला, ‘अरे उध्दटा ! तुला मी एवढा रत्नहार देऊ केला, पण तो तर तू स्वीकारला नाहीसच; पण मला मुजर करण्याचं साधं सौजन्यही न दाखवता, तू मला सरळ पाठ दाखवून निघून की रे गेलास ? तुझ्या या अपराधाबद्दल मी तुला आता कारावासाची शिक्षा ठोठावणार आहे.’बहुरुपी म्हणाला, ‘महाराज ! सोंग घेतलं असलं, तरी ते राजाधिराज भोजमहाराजांचं घेतलेलं आहे. तेव्हा इनाम म्हणून रत्नहार स्विकारणं, आपल्यापुढे वाकून मुजरा करणं किंवा आपल्याला पाठ न दाखविता उलटं चालत जाणं, या गोष्टी मी केल्या असत्या, तर आपला अपमान झाला असता, म्हणून मी हुबेहुब आपल्याप्रमाणे वागलो.’बहुरुप्यानं केलेल्या या खुलाशानं भोजराजा प्रसन्न झाला. त्याने त्याला दोन-तीन दिवस शाही पाहूणा म्हणून ठेवून घेतली आणि त्याल तो रत्नहार व एक हजार सुवर्ण मोहोरा इनाम म्हणून दिल्या•••••••••••••ஜ۩۞۩ஜ•••••••••••••या पोस्ट विषयी आपल्या सूचना, निवेदन, अभिप्राय, बातम्या, वाढदिवस, माहिती किंवा शंका 9423625769 येथे कळवावे. •••••••••••••ஜ۩۞۩ஜ•••••••••••••~~~~~~~~~~~~~~~~~~~*🎤 मुख्य संकलक-नासा येवतीकर 📢*📱 9423625769~~~~~~~~~~~~~~~~~~~*🙏 🙏 धन्यवाद 🙏 🙏*पुन्हा भेटू या फ्रेश मॉर्निंग बुलेटिनमध्ये तोपर्यंत नमस्कार ~~~~~~~~~~~~~~~~~~~